नेपाली चेली बलात्कार गर्ने एक नेपाली सहित ७ लाइ फासी


पुस, काठमाडौं । नेपाली चेलीमाथि सामुहिक बलात्कार र हत्या गर्ने सात युवाहरुलाई भारतको हरियाणा अदालतले फासीको सजायँ सुनाएको छ ।गत फेब्रुअरीमा भएको बलात्कारको विषयमा फैसला गर्दै ९ आरोपीमध्ये सातजनालाई सोमबार भारतीय अदालतले फासीको आदेश दिएको हो ।

आरोपीमध्ये एकजनाले आत्महत्या गरिसकेका छन् भने एकजना नाबालक भएकाले फासीबाट जोगिएका छन् ।

रोहतक जिल्लाको डडीखेरा गाउँस्थित एउटा खेतमा गत ४ फेबु्रअरीका दिन २८ वर्षीया नेपाली युवतीको मृत शरीर भेटिएको थियो । उनको शरीरको माथिल्लो अंग जनावरहरुले लुछेका थिए । उनको अनुहार चिन्न नसकिने अवस्थामा थियो ।

सामुहिक बलात्कारपछि ढुंगाले हानेर उनलाई मारिएको पोष्टमार्टमले देखाएको थियो । युवतीको मानसिक सन्तुलनसमेत ठीक नरहेको भारतीय सञ्चार माध्यमहरुले उल्लेख गरेका छन् ।

बलात्कारका आरोपीमध्येका एक २२ वर्षीय सोमबीर फरार भएका थिए । उनले केही महिनाअघि दिल्लीमा आत्महत्या गरे ।

न्यायाधीश सीमा सिंघलले अपराधीहरुलाई सजायँ सुनाउँदै यस घटनालाई समाजको ‘मानसिक दिवालियापन’ को संज्ञा दिएकी छिन् ।

यो मुद्दामा अभियुक्तमाथि ७ सेम्टेम्बरमा फास्ट ट्रयाक अदालतमा मुद्दा दायर गरिएको थियो । ५७ जना प्रत्यक्षदर्शीको समेत बयान लिएपछि १८ डिसेम्बरमा सातजनालाई दोषी ठहर गरिएको हो ।
अभियुक्तका वकिल डा. दीपक भारद्वाजले भने, ‘हामी अदालतको फैसलालाई सम्मान गर्छौं । तर, हामीमाथि न्याय भएको छैन, त्यसैले फैसलाविरुद्ध अपील गर्नेछौं ।’

नेपालबाट भारत पुगेकी पीडित युवती रोहतकमा आफ्नी बहिनीको परिवारसित बस्ने गर्थिन् । उनी गत १ फेब्रुअरीमा अचानक बेपत्ता भइन् र तीन दिनपछि उनको शव बहु अकबर गाउँमा भेटियो ।

पोष्टमार्टम गर्ने डाक्टरहरुले पनि पीडितमाथि अमानवीय व्यवहार भएको उल्लेख गरेका छन् । बलात्कारपछि र मृत्युभन्दा अघि कठोर यातना दिइएको उनीहरुको भनाइ छ ।

पोष्टमार्टम रिपोर्टअनुसार मृतक युवतीका गोप्य अंगहरु क्षतविक्षत अवस्थामा थिए ।अनलाइन खबरबाट 

 

Loading...

यसमा तपाइको मत

अन्य समाचार