को हुन् एनसेलको २८ अर्ब सेयर किन्ने भावना सिंह श्रेष्ठ ?


पालको दुरसंचार प्रदायक संस्था एनसेलको सेयर विक्रीका लागि सहमति भएको छ। सोमबार मलेसियन कम्पनी एक्जियटाले एनसेलको ८० दशमलव ४ प्रतिशत सेयर किन्न सहमति जनाएको छ।  बाँकी रहेको १९ दशमलव ६ प्रतिशत सेयर भने नेपालकै भावना सिंह श्रेष्ठले किनेकी छिन्। एनसेलको १९ दशमलव ६ प्रतिशत सेयर  करिव झन्डै २८ अर्ब बराबरको हुन आउँछ।
को हुन भावना ?
भावना वरिष्ठ ग्यास्ट्रोलोजी डाक्टर इश्वरलाल आर्चायकी बुहारी हुन्। आर्चायका छोरा सतिशलाल आर्चायकी उनी श्रीमती हुन् । भावनाको जेठाजु सचिनलाल आर्चाय टेलिकम क्षेत्रमा नै काम गर्छन् । सचिन स्मार्ट सेलका अध्यक्ष हुन् । स्मार्ट सेल ललितपुरकाे कुमारीपाटीमा छ ।
उनीहरुको सिंगापुरमा लाल ब्रर्दश एण्ड सन्स नामक कम्पनी पनि छ। यो कम्पनीले टेलिकम क्षेत्रमा लगानी गर्दै आएको छ।  एनसेल किन्ने एक्जियटा कम्पनीसँग पनि उनीहरुको थोरै मात्रामा सम्लग्नता रहेको छ । एक्जिएटामा उनीहरुको थोरै मात्रामा सेयर रहेको पनि अनुमान गरिएको छ।
एक्जियटाले भावनालाई चयन गरेको हो । एउटै व्यक्तिका नाममा २ वटा टेलिकम प्रदायक संस्था खोल्न नेपालमा अनुमति नभएकाले आर्चाय परिवारले भावनालाई अघि सारेका हुन् । आर्चाय ग्रुपले अब स्मार्ट सेलमा रहेको लगानी भियतनामी कम्पनी भाया टेललाई विक्री गर्ने तयारी गरेका छन् ।
भावनाले लिएको सेयर किन्न यसअघि सिद्धार्थ राणाले इच्छुक देखाएका थिए। भावना गृहिणी हुन्। एनसेलले भने श्रेष्ठको सिंगापुरमा  सुनिभेरा क्यापिटल भेन्जर नामक संस्था रहेको दाबी गरेको छ। setopaTIBAT
Loading...

यसमा तपाइको मत

अन्य समाचार